Нягледзячы на тое, што «Усходні» вузел уяўляе сабою самы просты са ўсіх магчымых спосабаў замацаваньня гальштуку, ён ня часта выкарыстоўваецца ў заходніх краінах. У Кітаі ён замяняе свайго найбліжэйшага «сваяка» – элементарны вузел, – які школьнікі вучацца завязваць у першую чаргу. У краінах Усходу і Захаду ён вядомы пад рознымі назвамі – просты вузел, чырвоны вузел і малы вузел. Ангельская назва – Small knot.
«Усходні» вузел патрабуе, каб гальштук прылягаў да шыі споднім бокам, што, напэўна, і тлумачыць рэдкасьць ягонага прымяненьня. У той час як пасыўны (вузкі) канец гальштуку застаецца ў выніку вывернутым навыварат, актыўны (шырокі) канец абарочваецца пярэднім бокам. Гэта адбывацца з-за таго, што пры першым руху актыўны канец праходзіць пад пасыўным, але не наадварот. Гэты тычыцца да ўсіх вузлоў, якія завязваюцца няцотнай колькасьцю рухаў.
Пасьлядоўнасьць дзеяньняў па сыстэме «85 спосабаў»: ЛоПхЦоТ
«Усходні» вузел мае свае недахопы: калі не прысьвяціць яго завязваньню дастатковай увагі, ён можа атрымаць няправільную форму, і таксама, з-за сваёй прастаты, з часам ён можа развязацца. Да таго ж, усходні вузел пры развязваньні сам не распадаецца. Гэта значыць, што пры выцягваньні пасыўнага канца, гальштук застанецца завязаным у вузел. Асноўная перавага гэтага вузла – невялікі памер, які робіць яго незамянімым для гальштукаў з цяжкога матэрыялу – вязаных, плеценых альбо ваўняных.
Невялікія вузлы, напрыклад усходні, просты і «Кельвін», займаюць толькі малую частку даўжыні гальштуку, у выніку ягоныя канцы могуць застацца празмерна даўгімі. У гэтым выпадку паспрабуйце развязаць гальштук і завязаць яго зноўку, калі актыўны канец мае патрэбную даўжыню, даўгі пасыўны канец можна пры неабходнасьці прапусьціць паміж пугаўкамі кашулі.
Tags: Вузлы для гальштукаў