Незвычайнай варыяцыяй на тэму «простага» вузла зьяўляецца вузел «Анасіс». Назва вузла зьвязаная з імем вядомага карабельнага магната грэцкага паходжаньня, другім мужам Жаклін Кэнэдзі, Арыстоцелем Анасісам, які яго прыдумаў і час ад часу выкарыстоўваў. Асноўнай адметнай рысай зьяўляецца тое, што сам вузел цалкам схаваны ад чужых позіркаў. Безумоўна, гэты вузел зусім не падыходзіць для дзелавога асяродку, і выкарыстоўваць яго ў дзелавым асяродку могуць толькі мільянэры і мульцімільянэры кшталту Анасіса. Ангельская назва вузла – «Onassis».
Завязваецца вузел «Анасіс» гэтаксама як і «просты» вузел. Калі «просты» вузел ужо завязаны, дастаткова правесьці актыўны канец гальштука направа і затым перакінуць яго праз вузел, пакінуўшы вольна звісаць. Пры гэтым каўнер кашулі павінен пакідаць для вузла дастатковую прастору, роўную шырыні гальштуку. Для такога вузла падыходзяць кашулі з каўнерыкам тыпу «Акулавы плаўнік».
Такім чынам, схема завязваньня вузла «Анасіс» па методыцы «85 спосабаў» наступная: ЛхПоЛхЦоТ ПхЦо. Пры гэтым, як і «просты» вузел, вузел «Анасіс» сам не распускаецца пры развязваньні (выцягваньні пасыўнага канца).
Матэрыял гальштуку для завязваньня такога вузлу не павінен быць вельмі цяжкім альбо аб’ёмістым. Каб гальштук ня вельмі кідаўся ў вочы, што ўжо прадвызначана незвычайнай формай вузла, варта выкарыстоўваць аднатонны матэрыял.
Tags: Вузлы для гальштукаў