«Вікторыя» мае такое самае дачыненьне да «простага» вузла, як і «Кэльвін» да «Усходняга»: актыўны канец гальштука робіць дадатковы абарот перад канцавым рухам, прасоўваючыся затым у створаную пятлю. У выніку атрымліваецца вузел, падобны па форме на «просты», але ён мае дадатковае ўтаўшчэньне, неабходнае пры выкарыстаньні тонкіх альбо зношаных гальштукаў.
Пасьлядоўнасьць дзеяньняў па мэтодыцы «85 спосабаў»: ЛхПоЛхПоЛхЦоТ
Пры выцягваньні пасыўнага канца гальштука, вузел самастойна разьвязваецца. Асноўнай нязручнасьцю вузла «Вікторыя» зьяўляецца тое, што ягоную форму немагчыма рэгуляваць і зьмяняць пры дапамозе аднаго з бакавых канцоў пятлі гальштука, у выніку вузел атрымліваецца вельмі несымэтрычным і вузкім.
Tags: Вузлы для гальштукаў